14 қыркүйек күні өлкетану бөлімі №37 мектептің 5-сынып оқушыларына арналған «Петроглифтер мен табиғат: ғасырлар қойнауына саяхат» атты экскурсия өткізді. Оқушылар Ұлан ауданының табиғи ерекшеліктерімен, туған өлке тарихымен танысып, ата-бабаларымыздың өмірінен сыр шертетін көне петроглифтерге — жартасқа салынған суреттерге ерекше қызығушылық танытты. Экскурсия танымдық саяхатпен қатар, «Адал азамат» құндылықтары туралы әңгімелесуге мүмкіндік берді. Экскурсия оқушылардың көңілінен шығып, іс-шараға барлығы 22 оқушы қатысты.
