«Ornis-2026» қалалық экологиялық фестивалінің өткізілуі туралы есеп
14 сәуірде «Оқу-зерттеу экобиоорталығы» Халықаралық құстар күніне арналған «Ornis-2026» қалалық экологиялық-орнитологиялық фестивалін өткізді. Іс-шараның мақсаты Өскемен қаласы мектептерінің оқушыларын туған өлкенің биологиялық әртүрлілігін зерттеу жұмыстарына тарту, құстардың биологиялық және экологиялық ерекшеліктерін танып-білу саласындағы білімдерін жетілдіру және табиғатты қорғау іс-шараларын жүргізуге тарту болып табылады. Фестиваль «Таза Қазақстан» экологиялық мәдениетті дамытудың мемлекеттік тұжырымдамасын және «Адал азамат» мемлекеттік бағдарламасын іске асыру аясында ұйымдастырылды.
Фестиваль аясында орнитологиялық квест, фенологиялық дәріс өткізу және қалалық орнитологиялық іс-шаралардың қорытындысын шығару қарастырылған.
Квест келесі кезеңдерден тұрды:
• Команда капитаны үшін — жалпы және жеке орнитология бойынша өңірлік компонентпен толықтырылған компьютерлік тестілеу;
• Командалық тапсырмалар — құстардың түрлік тиістілігін анықтау және оларды мекен ету ортасына қарай бөлу бойынша тапсырмалар.
«Ornis-2026» фестивалінде «Оқу-зерттеу экобиоорталығының» 2025–2026 оқу жылында өткізген экологиялық-орнитологиялық іс-шараларының қорытындысы шығарылды.
Экологиялық-орнитологиялық қызмет Оқу-зерттеу экобиоорталығы жұмысының негізгі бағыттарының бірі. 2025–2026 оқу жылы ішінде біздің ұйым оқушылардың бойында экологиялық мәдениетті, табиғатқа деген сүйіспеншілікті және құстар әлеміне деген жауапкершілікті қалыптастыруға бағытталған бірқатар маңызды іс-шараларды іске асырды.
Құстарды қысқы азықтандыруға арналған «Құстарға көмектесейік» акциясы ең ауқымды шаралардың бірі болды. Акция аясында жемсауыттар жасалып, ілінді, сондай-ақ қыстап қалатын құстарды жүйелі түрде азықтандыру жұмыстары ұйымдастырылды. Бұл бастамаға қаланың барлық 50 мектебі қолдау көрсетіп, көптеген оқушыларды қамтуға мүмкіндік берді. Қорытынды бойынша қатысушылар әр мектептің мекенжайына жіберілген электронды Алғыс хаттармен марапатталды.
2026 жылғы 31 наурызда «Оқу-зерттеу экобиоорталығы» Шығыс Қазақстан облысы Табиғи ресурстар және табиғат пайдалануды реттеу басқармасының «Өскемен орман шаруашылығымен» бірлесіп, «Ертіс» орманшылығы аумағында жыл сайынғы «Сәлем, құстар!» экологиялық-орнитологиялық акциясын ұйымдастырып, өткізді. Өскемен қаласы мектептерінің (№7, 17, 20, 24, 26, 27, 33, 34, 36, 38, 41, 49, 50) оқушылары орманшылық инспекторларымен бірге өздері дайындаған жасанды ұяларды ілді. «Сәлем, құстар!» көшпелі акциясына қатысушылардың жалпы саны 48 адамды құрады, барлығы 21 қараторғай және шымшық ұясы орнатылды.
«Ornis-2026» аясында орнитологиялық квест өткізілді. Ол құстардың түрлік тиістілігін анықтау және оларды мекен ету ортасына қарай бөлу бойынша екі командалық тапсырманы кезең-кезеңімен орындаудан тұрды. Бірінші тапсырмада командаларға 3 пазлды құрастырып, олардың құстардың қай түріне жататынын анықтау қажет болды. Екінші тапсырмада құс түрі мен оның мекендейтін ортасын дұрыс сәйкестендіру талап етілді. Сонымен қатар, команда капитандары жалпы және жеке орнитология бойынша компьютерде жеке тест тапсырмаларын орындады.
Сонымен қатар, фестивальге қатысушылар үшін Өскемен қаласы мектеп оқушыларының экологиялық-фенологиялық бақылауларды құзыретті ұйымдастыру мәселелерін шешу мақсатында «Оқу-зерттеу экобиоорталығының» директоры, б.ғ.к., РЖА профессоры А.П. Цыганов «Өскемен қаласы мен оның айналасында көктемгі экологиялық-фенологиялық бақылауларды ұйымдастыру» тақырыбында фенологиялық дәріс оқыды.
«Ornis-2026» фестивалінің соңында қорытындылар шығарылды. Қатысушылардың жалпы саны 78 адамды құрады. Орнитологиялық олимпиадаға 18 мектеп: №3, 7, 8, 9, 15, 26, 27, 30, 33, 34, 36, 39, 43, 49, 50, сондай-ақ Ахмер, Меновное және Бобровка ауылдарының мектептері қатысты.
Фестиваль қорытындысы бойынша мақтау қағаздары табысталды:
Орнитологиялық олимпиадаға қатысқаны үшін — мектеп капитандарына:
1-орын
№26 мектеп — Сулейманов Айтуар
2-орын
№9 мектеп — Рафаэльқызы Марьяна
№36 мектеп — Дмитриева Маргарита
3-орын
№7 мектеп — Водопьянов Даниил
№8 мектеп — Шевелев Богдан
№27 мектеп — Волкова Елизавета
№39 мектеп — Кашигин Александр
№43 мектеп — Амангелді Кәусар
Сондай-ақ орнитологиялық квестке командалық қатысқаны үшін мақтау қағаздары табысталды:
1-орын
№7 мектеп — Козьмина Виктория, Кузьмина Виктория
2-орын
№15 мектеп — Мәди Шалқарұлы, Рафхатұлы Бекзат
№33 мектеп — Жәнібек Ербосын, Айдынұлы Әдіжан
№34 мектеп — Бурковская Ульяна, Татрин Владислав
№39 мектеп — Булатов Ришад, Кайрош Шадияр
Бобровка ауылының мектебі – Мамедова Элина және Эсмира
3-орын
№8 мектеп – Бюлюгенев Марк, Лазарев Артем
№9 мектеп – Петров Костя, Михайленко Вера
№50 мектеп – Түсіпжанова Аружан, Қадыр Фатима
Сонымен қатар, фенологиялық дәрістің барлық тыңдаушыларына сертификаттар табысталды. Іс-шараға қатысушылардан жақсы пікірлер алынды.
Ұйымдастырушылар фестивальге қажетті құжаттардың толық пакетін дайындады, қала мектептерінің мұғалімдеріне ақпараттық қолдау көрсетілді, іс-шара аяқталғаннан кейін әлеуметтік желілер, сайт және қалалық білім бөлімі (ҚББ) үшін есептер дайындалды.
